രണ്ടു പതിറ്റാണ്ടുകളുടെ ശ്രമം ഫലമണിയുകയാണ്. കുടുംബചരിത്രരചന അനായാസമായി, സമയബന്ധിതമായി പൂർത്തീകരിക്കാവുന്ന ഒന്നാണ് എന്നായിരുന്നു പലരെയുംപോലെ എന്റെയും ധാരണ. പക്ഷേ, രംഗത്തിറങ്ങിയപ്പോഴാണ് ഒളിഞ്ഞിരിക്കുന്ന പ്രതിസന്ധികളും, തടസ്സങ്ങളും മനസ്സിലാകുന്നത്. ഇതൊരു കുടുംബത്തിന്റെ മാത്രം ചരിത്രമല്ല, തമിഴ്‌നാട്ടിൽ തുടക്കംകുറിച്ച്, കേരളത്തിൽ പടർന്നു പന്തലിച്ച്, ലോകമാകെ വ്യാപിച്ചുനിൽക്കുന്ന 22 ശാഖാ കുടുംബങ്ങളടങ്ങിയ ഒരു മഹാകുടുംബത്തിന്റെ ചരിത്രമാണ് “മണ്ണിൽ പൊന്നു വിളയിച്ചവർ”. സമയം ഏറെയെടുത്തെങ്കിലും, ഈ രചനയുടെ പൂർത്തീകരണം ഞങ്ങൾക്ക് അഭിമാനവും സന്തോഷവും പകരുന്നു.